Diss buch das da gedicht hat der erleiicht vater Amandus, genan[n]t Seüß begreift in im vil güter gaistlicher leeren wie der mensch, so er sich gewendt hat von got zu der creatur, ainen widerker sol tun zu seinem ersten ursprung der da got ist, und wie er sich haben sol in sein selbs un[d] aller creatur gelassenhait und absterben aller fröd, begirlichait, wollusts und gemachs diser welt und seins aignen leibs Gott vor augen haben, in suchen, und über alle ding liebhaben, sein leiden betrachten, und sich selb underwürflich in rechter demut geleichförmiklich halten, in tun und in lassen, in lieb und laid, und vil ander kostlich underrichtungen die da ainem anfahenden widereinkerenden menschen zumal fürderlich und nütz sein, so es auff mercklich gelesen un[d] betracht wirt. Es gibt och gutherzigen vernünfftigen manschen liechtreiche weißung zu göttlicher warhait, und ainen tichtigen weg zu der alierhöchsten säligkait